Тун жижиг биетэй, хос далавчтай шавьж юм. Бүх бие нь хар өнгөтэй, Гавлынхаа доод талд богино, бүдүүн хошуутай. Гавал нь урдаасаа хойшоо хавчиг. Зулай дээрээ сайн хардаг нүдтэй. Урт хоёр сахалтай. Цээж богинохон. Гурван хос хөлтэй далавч нь өргөн, тунгалаг өнгөтэй, үзүүртээ тууш судалтай. Хэвлий нь есөн цагирагаас тогтоно.Эрэгчин дэлэнч ургамлын шүүсээр хооллодог. Эмэгчин дэлэнч амьтны цусыг сорж амьдардаг. Дэлэнчийн өндөг, авгалдай, хүүхэлдэй усанд өсч бойждог.
Усны урсгал хичнээн хурдан байх тутам тэнд төчнөөн олон авгалдай, хүүхэлдэй оршин амьдрах чадвартай, Эмэгчин дэлэнч өндгөө усны эрэг орчмын ургамал, чулуун дээр, усанд нь ч шууд шахах нь бий. Бөөнөөрөө байрласан авгалдайнууд усны урсгалд байнга цохигдон хөдлөх учир усны гадарга дээрх жижиг ургамал шиг харагддаг. Авгалдай нь гэр дотроо хүүхэлдэйлнэ. Хүүхэлдэйнээс 1-2 долоо хоногийн дараа бие гүйцсэн дэлэнч төрнө. Дэлэнч 5-9 дүгээр сард ниснэ. Зарим дэлэнч жилдЗ удаа үрждэг. Эмэгчин дэлэнч гурван сар орчим амьдарна.
